ផលិតផល បំបាត់មុន ដែលមាន ប្រសិទ្ធភាពបំផុត

មុនកើតមានលើមនុស្ស ជាច្រើនលាននាក់ ក្នុងពិភពលោកនេះ ប៉ុន្តែក៏មានផលិតផល បំបាត់មុនដែលនឹង លប់បំបាត់មុនលើស្បែក របស់លោក អ្នកបានយ៉ាងមានប្រសិទ្ធភាព។

ទឹកលាងសម្អាតសម្រាប់ ស្បែកងាយប្រតិកម្ម៖
ការបន្តប្រើទឹកឬសាប៊ូ លាងសម្អាតស្តង់ដារ អាចធ្វើឱ្យរលាកស្បែក ដែលធ្វើឱ្យស្បែកស្ងួតខ្លាំងនិងរោល។ អ្នកគួរតែជ្រើសរើសប្រើ តែសាប៊ូឬទឹកលាងសម្អាតណា ដែលធ្វើឡើងសម្រាប់ ប្រភេទស្បែកឆាប់ប្រតិកម្ម។

ទឹកបន្តឹង (toner) ស្បែកមុខគ្មានជាតិអាល់កុល
ទឹកបន្តឹងស្បែកមុខដែល មានជាតិអាល់កុល នឹងធ្វើឱ្យស្បែករបស់អ្នក ស្ងួតនិងមានអារម្មណ៍ចាក់ៗ ដូចមានអ្វីទិច។ ដូច្នេះអ្នកគួរប្រើ តែផលិតផលណា ដែលគ្មានជាតិអាល់កុល។

ក្រែម Benzoyl Peroxide កម្រិតទាប
ក្រែម Benzoyl Peroxide មានអានុភាពជាខ្លាំង ក្នុងការបំបាត់មុន។ ការប្រើក្រែម Benzoyl Peroxide កម្រិតទាបនឹងជួយលាងសម្អាត ស្បែកដោយមិនបង្ករឱ្យ ស្បែកឡើងក្រហមឬ របកនោះឡើយ។

សារធាតុសំណើម សម្រាប់ស្បែកឆាប់ប្រតិកម្ម
ក្រោយពេលលាងសម្អាតស្បែក ជាមួយនឹងក្រែម Benzoyl Peroxide រួចហើយ វាជារឿងសំខាន់ដែលអ្នក ត្រូវផ្តល់ជាតិសំណើម ដល់ស្បែកដើម្បីការពារ ស្បែកមិនឱ្យរលាកឬស្ងួតពេក។ ចូរប្រើតែឡេឬសារធាតុ សំណើមណាដែលគ្មានជាតិប្រេង ដូច្នេះវានឹងមិនកកបិត រន្ធញើសឬបង្ករឱ្យមានមុនឡើយ។

ឡេ Calamine សម្រាប់ព្យាបាលពេលយប់
ឡេ Calamine មានអនុភាពក្នុងការ ព្យាបាលពេលយប់ និងអាចព្យាបាលមុនធំៗ បានយ៉ាងរហ័ស។ ចូរលាបឡេ Calamine បន្តិចលើមុនដែលមាន លើមុខរបស់អ្នក ហើយទុកវាចោលមួយយប់ នោះអ្នកនឹងឃើញពី ប្រសិទ្ធភាពរបស់វា។