ត្រីត្រូវបានគេស្គាល់យ៉ាងច្បាស់ថា ជាប្រភពនៃជាតិខ្លាញ់អូមេហ្គា-៣ (Omega-3) ដែល ជាជាតិខ្លាញ់ល្អបំផុតចំពោះសុខភាព។ ថ្មីៗនេះ អ្នកជំនាញផ្នែកសុខភាពបានឱ្យដឹងថា បុរស ទាំងឡាយ ប្រសិនបើចង់ឱ្យមេជីវិត (ស្ពែម) រឹងមាំ និងមាន គុណភាពល្អ អ្នកគួរទទួលទានត្រីឱ្យបានច្រើន មូលហេតុគឺ ជាតិ-ខ្លាញ់អូមេហ្គា-៣ មានការពាក់ព័ន្ធនឹងរូបរាងមេជីវិត។
តាមធម្មតា មេជីវិត (ស្ពែម) មានក្បាលរាងដូចមួកដែលគេហៅថា “អា- ក្រូសូម” (Acrosome)។ ហើយវាគឺជាកន្លែងដែលអង់ហ្ស៊ីម នៅត្រង់ផ្នែកក្បាល មាននាទីជ្រែកចូលទៅក្នុងស៊ុត ដើម្បីបង្ក កំណើត ស្ថិតនៅនិងលូតលាស់។ អង់ហ្ស៊ីមទាំងនោះត្រូវការ ជាតិខ្លាញ់អូមេហ្គា-៣ ដើម្បីលូតលាស់ ធ្វើឱ្យក្បាលមានជីវិត កាន់តែស្រួច និងមានខ្លួនកាន់តែវែង ផ្ទុយទៅវិញ នៅពេល ដែលវាទទួលបានជាតិអាស៊ីដខ្លាញ់អូមេហ្គា-៣ ឬ DNA (Docosahexaenoic Acid) មិនគ្រប់គ្រាន់ ធ្វើឱ្យរូបរាង របស់មេជីវិតលូតលាស់មិនបានល្អ និងធ្វើការមិនបានពេញលេញនោះឡើយ។
រីឯការសិក្សាមួយទៀតបានឱ្យដឹងថា ការកង្វះជីវជាតិ អាចធ្វើឱ្យគុណភាពមេជីវិតថយចុះដូចគ្នាទៅនឹង អ្នកដែលទទួលទានអាហារ ដែលមានជាតិខ្លាញ់ច្រើនផងដែរ។ ដូចនេះប្រការល្អបំផុត គឺអ្នកត្រូវទទួលទានត្រីឱ្យបានេ ច្រីនដូចជា ត្រីសាលម៉ន ឬត្រីធូណាជាដើម បូករួមជាមួយ នឹងអាហារផ្សេងៗទៀត ដូចជាស៊ុត ទឹកដោះគោ សណ្តែក គ្រាប់ធញ្ញជាតិ ផ្លែឈើពពួកប៊ឺររី ដំឡូងជ្វា ឬប្រូកខូលី និង បន្លែបៃតងនានា៕
No comments:
Post a Comment