បុរសភាគច្រើនតែងមានកង្វល់ នឹងបញ្ហានៃរយៈពេល នៃការបញ្ចេញទឹកកាមរបស់គេ ។ បើទោះជាវាលឿនពេក ឬ យូរពេកគឺសុទ្ធតែជាប្រភពនៃបញ្ហាសុខភាពរបស់អ្នក ទាំងអស់។
ថ្ងៃនេះ យើងសូមបង្ហាញនូវ ហេតុផលមួយចំនួន ដែលបណ្តាលអោយអ្នកឆាប់ចេញទឹកកាមជាងធម្មតា ខណៈពេលដែលអ្នកកំពុងរួមភេទ៖
- ជំងឺរលាកបង្ហូរនោមឬជំងឺរលាកក្រពេញឬប្រូស្ដាត ៖ ព្រោះថាការរំខានដែលកើតចេញពីជំងឺទាំងនេះធ្វើឱ្យបុរសមិនស្រួលក្នុងចិត្ដនិងធ្វើឱ្យបុរសអាចខំបាញ់បញ្ចេញទឹកកាមបានដែរ។
- ការសេពគ្រឿងញៀន ៖ ការប្រើប្រាស់គ្រឿងញៀនមួយចំនួនដូចជាពួកកូកាអ៊ីនពួកអំហ្វេតាមីនជាដើម អាចជម្រុញដល់ការដាស់ឬភ្ញោចកាមារម្មណ៍និងប្រព័ន្ធប្រសាទដែលឈាន ដល់ការឆាប់ចេញទឹកកាមបានដែរ។
- វិបត្ដិការឡើងរឹងនៃលិង្គលិង្គងាប់ ៖ បុរសដែល មានការពិបាកក្នុងការរក្សាលិង្គឱ្យឡើងរឹងបានយូរគាត់តែងតែចង់ធ្វើ ការស៊កបញ្ចូលលិង្គទៅក្នុងទ្វារមាសរបស់ស្ដ្រីឱ្យបានឆាប់ ប្រយោជន៍ខ្លាចលិង្គស្រកលែងរឹងវិញរហ័សពេក ទីបំផុតការឆាប់ចេញទឹកកាមកើតមានឡើង។
- វិបត្ដិផ្លូវចិត្ដ ឬការតានតឹងចិត្ដ ៖ ច្រើនតែ កើតឡើងពេលស្ដ្រីជាដៃគូចូលចិត្ដនិយាយអំពីកម្លាំងផ្លូវភេទ និងរិះគន់ភាពអន់ ខ្សោយខាងផ្លូវភេទរបស់បុរសជាដៃគូថាអន់នេះអន់នោះ ខ្លួនចង់បាននេះចង់បាននោះ មិនបានដូចចិត្ដ។ ការចង់ឆាប់ដល់កំពូលនៃសេចក្ដីសុខផ្លូវភេទ និងវ័យខុសគ្នារវាងដៃគូរួមភេទទាំងពីរ(បុរសចាស់ស្ដ្រីក្មេងជាដើម) ក៏ជាដើមហេតុនៃការឆាប់ចេញទឹកកាមដែរ៕
No comments:
Post a Comment